Foar ferkearsfeiligens is it essinsjeel om de ûntjouwing yn it jierlikse tal ferkearsûngelokken en –slachtoffers te monitorjen. De trend oer de meast resinte jierren jout ynsjoch oft it doel helle wurdt mei de hjoeddeistige strategy of oft yntervinsje winske is. Binnen in yntegrale én desintrale oanpak is dizze ynformaasje relevant foar politisy & beliedsmakkers, dykbehearders, plysje & justysje en belangeorganisaasjes op lokaal, regionaal en lanlik nivo.
De pasklare BLIQ-rapportaazje jout twa kear yn it jier in algemien ynsjoch mei aktuele (heal)jiersifers. In blik op de dyk foar in tûke (IQ) oanpak, mei tank oan STAR frij beskikber foar elk nivo.
STAR
It STAR inisjatyf - gearwurking tusken plysje, fersekerders en VIA - is rjochte op it beskikber meitsjen fan aktuele data oer ferkearsfeiligens. It doel is safolle mooglik partijen ynsjoch te jaan en mei ûngelokkegegevens wurkje te litten. Mei de BLIQ-ferkearsfeiligensrapportaazje biedt STAR twa kear yn it jier in folslein ynsjoch yn de feiligensposysje oan elke gemeente, regio en plysjesône.
Mei de iepenbiere ûngelokkekaart jout STAR it aktuele sicht op de lokaasjes fan de ûngelokken, útsplitst nei kwetsbere ferkearsdielnimmers en leeftiidsgroepen.
BLIQ-rapportaazje
In rjochte oanpak fan de ferkearsfeiligens is allinne mooglik mei objektive sifers dy’t sjen litte hoe feilich de diken binne, oft ferkearsdielnimmers feilich meidogge en hoe feilich de brûkte fiertugen binne. Ûngelokke- en snelheidsgegevens binne hjirfoar de twa wichtichste boarnen.
De BLIQ-rapportaazje fertaalt dizze data yn leechdrompelige ynformaasje op sa’n manier dat monitoring fan de aktualiteit en antisipearjen op it fungearjende belied mooglik is. De stap nei yntervinsjes op it mêd fan foarljochting & edukaasje, hanthavening en maatregels op strjitte kin dêrtroch flugger set wurde.
Elk jier wurde 3 ferzjes fan BLIQ makke. Yn jannewaris ferskynt de konseptferzje as earste jieroersjoch, mar ek om te kontrolearjen oft der ûngelokken ûntbrekke of ferkeard pleatst binne. Sadree’t de jiersifers kontrolearre binne en de database ôfsletten is, wurdt de definitive jierrapportaazje fan BLIQ makke. As tuskenstân ferskynt ek in healjierrapportaazje mei in sinjaalfunksje op basis fan de foarlopige sifers.
Rjochte ynformaasje
De BLIQ-(heal)jierrapportaazje foarsjocht yn in unike trendgrafyk (sweevjend gemiddelde per moanne) op basis fan de lêste fiif jier, sadat de ûntjouwing yn slachtoffers maklik te werkennen is. Beide rapportaazjes jouwe ynsjoch yn it tal slachtoffers nei leeftiid en ferfierswize, it risiko fan te hurd riden én de list fan ûnfeilichste krusingen en dykfakken.
De basis rapportaazje is beskikber foar alle gemeenten en plysjesônes. De regio rapportaazje is lanlik en per regio en/of provinsje beskikber, mei as ekstra in benchmark wêrmei’t ynsjoch krigen wurdt yn de feiligensposysje fan elke gemeente.
De BLIQ-rapportaazjes fan alle gemeenten en regio’s binne op de Startside fan de VIA Software beskikber foar alle brûkers. Dit makket it mooglik om te benchmarken mei gemeenten bûten de eigen regio of gear te wurkjen mei buorgemeenten.
It downloaden en fersprieden fan de BLIQ-rapportaazje is in taak fan de gemeenten en regio’s sels. It is fansels tastien om de rapportaazje iepenbier te publisearjen.
Yntegrale oanpak
De BLIQ-rapportaazje is ûntwikkele foar it ynformearjen fan alle desintrale partners dy’t in rol spylje yn de yntegrale oanpak fan de ferkearsfeiligens. De wichtichste doelgroep binne de politike fertsjintwurdigers fan gemeenten en regio’s. Hjir leit it inisjatyf foar yntervinsjes op it ferkear en de dykynrjochting. Beliedsmakkers en dykbehearders brûke de rapportaazje om kollega’s yn de ferskillende oerlisstruktueren te ynformearjen en te stimulearjen om ferkearsfeiligens mei te nimmen yn oare projekten.
Plysje, justysje en iepenbier bestjoer, it feiligensoerlis, hat in wichtige rol as it giet om ferkearsgedrach. Ek dêryn foarsjocht de BLIQ-rapportaazje, mei ynsjoggen foar hanthavening en rjochte ferkearstafersjoch.
Belangeorganisaasjes, faak mei de stipe fan frijwilligers, kinne in ferskil meitsje mei foarljochting en edukaasje. Seker as ek sy mei de BLIQ-rapportaazje ynsjoch krije yn de relevante doelgroepen binnen harren eigen wurkfjild.
VIA Software
De brûkers fan de VIA Software binne wend om de software en de data te dielen mei alle gearwurkjende partners. Haaddoel is safolle mooglik belutsenen te ynformearjen oer de ferkearsfeiligenssituaasje en se mei deselde sifers wurkje te litten. De tabellen en grafiken yn de BLIQ-rapportaazje slute naadloos oan op de gegevens yn de VIA Software.
Gemeenten dy’t noch gjin abonnemint op de VIA Software hawwe, kinne in fergees akkount oanfreegje om de BLIQ-rapportaazje te downloaden.
Sjoch foarbylden fan de BLIQ-rapportaazjes yn de Bibleteek
