De VIA Software is ûntwurpen as Digitale Kollega fan wegbehearders en de plysje. Krekt as in ‘gewoane’ kollega giet de Digitale Kollega mei mei aktuele ûntwikkelingen. Dêrom helpt de software no by it meitsjen fan risikostjoerd belied, sa’t oanrikkemandearre yn it SPV 2030. De nijste BLIQ befettet twa unike ark dy’t it meitsjen fan dit belied stypje en stimulearje: de ûngelokkeskoare en CROSS. Alle wegbehearders en de plysje kinne BLIQ fan no ôf fergees downloade.
BLIQ befettet fan no ôf in Top 10 fan meast ûnfeilige trajekten en CROSS Snelheden. Dizze twa tapassingen foarmje it útgongspunt by de oanpak fan ûnfeilige trajekten. Se helpe by it prioritearjen fan probleemtrajekten en by it kiezen fan mooglike passende maatregels. Wegbehearders en de plysje hawwe ek (fergees) tagong ta in ynteraktive ferzje fan de Top 10 en CROSS Snelheden yn de VIA Software.
Top 10 fan meast ûnfeilige trajekten
De Top 10 fan meast ûnfeilige trajekten is basearre op de ûngelokkeskoare. Yn dizze skoare binne 4 yndikatoaren meinommen: it oantal ûngelokken, it oantal slachtofferûngelokken, it oantal deadlike ûngelokken en it ûngelokkerisikosifer per trajekt. Troch middel fan ranking krije de trajekten in lanlike skoare, op basis wêrfan’t per gemeente of provinsje in Top 10 makke wurdt. De Top 10 jout in oersjoch fan de trajekten yn it wurkgebiet dy’t omtinken nedich hawwe.
CROSS Snelhedenkaart
CROSS Snelheden helpt dêrnei by it sykjen nei in mooglike oarsaak fan de hege ranking yn de Top 10. Dizze metoade kombinearret de ûngelokkeskoare mei de ferklearjende fariabele snelheid. Mei oare wurden: is te hurd riden in mooglike oarsaak fan de ûngelokkeskoare? VIA brûkt foar de snelheidsdata de Floating Car Data fan HERE.
Trajekten krije in prioriteitskleur, dy’t werom te finen is yn de (ynteraktive) Snelhedenkaart (mei mooglik makke troch HERE). As it trajekt in reade kleur hat, witte jo wis dat te hurd riden in probleem foarmet. In kurative oanpak is oan te rieden. As in trajekt giel is, barre der net folle ûngelokken, mar wurdt der wol te hurd riden. In preventive oanpak is hjir op syn plak.
Daliks oan 'e slach
Binne jo wegbehearder of wurkje jo by de plysje? Dan kinne jo mei jo VIA-akkount daliks oan 'e slach. Log yn en brûk de ynteraktive Top 10 en Snelhedenkaart.
